Gikasubo sa grupong August Twenty-One Movement ang gibuhat nga mga imbestigasyon karon sa Senado ug sa Ombudsman, sumala pa ni Bien Gonzales, Vice President sa maong grupo, tungod kay ang mga lihok sa gobyerno walay lain kundi ang pag-imbestiga alang sa ilang kaugalingong interes ug dili para sa hustisya nga angay unta nga madawat sa katawhan.
Nunot niini, gibutyag ni Gonzales nga ang katawhan mismo ang labing nag-antos ug naipit sa panagbangi sa duha ka dagkong politiko nga nagbangga karong panahona.
Pinasikad sa iyang obserbasyon, giawhag sa ATOM ang mga liders nga hinumdoman ang ilang tulubagon ug mandato nga unahon ang serbisyo alang sa kaayuhan sa nasud ug katawhan.
