Wala na matingala ang grupong August Twenty One Movement (ATOM) kung nganong daghan gihapon ang naglaum ug gustong makakita nga modagan si Mayor Leni Robredo bisan pa sa iyang desisyon nga dili na siya mudagan sa 2028 presidential election.
Sumala ni Volt Bohol, sa grupong ATOM, natural ra kini nga reaksyon sa katawhan tungod sa nakita nga performance ug pag-alagad ni Robredo sa publiko sa miaging mga tuig.
Dugang pa niya, giingon nga ang pagtan-aw sa katawhan sa maayong lider mahimong hinungdan sa padayon nga suporta ug panawagan bisan human na sa opisyal nga pahayag niini nga dili pagdagan.
Bisan pa niini, giklaro usab niya nga ang grupong ATOM nagpabilin nga non-partisan ug mas nakatutok sa mga prinsipyo sa matinud-anon ug epektibong pagserbisyo sa katawhan.
Busa, para kanila, wala pa sila nakakita og kandidato nga ilang ikampanya isip pangulo sa 2028 elections, apan bukas ang grupo nga suportahan ang makita nilang sinsero ug adunay maayong tinguha para sa nasud.
