Subling mubalik sa kadalanan ang grupo sa August Twenty One Movement (ATOM) aron ipalig-on ang ilang panawagan sa Trillion Peso March Movement, nga mikampanya batok sa naghitak nga korapsyon sulod sa managlahing ahensya sa gobyerno, ilabe sa Department of Public Works and Highways (DPWH).
Namahayag si Volt Bohol, presidente sa ATOM nga sa Nobyembre 30, ila gitinguha nga mas daghang Pilipino pa ang ma-awhag nga makigbahin sa ilang panawagan nga prisohon na ang tanan kawatan nga opisyales sa gobyerno kay tataw na kining nalakmitan sa mga testigos nga may gipakitang ebidensya sa Independent Commission for Infrastructure (ICI), lakip na sa hearing sa senate bluee ribbon committee.
Sa maong adlaw, ilang ilusad ang misa, noise barrage, ug candle-lighting activity isip simbolo sa paghiusa ug paglaom sa katawhan.
Giawhag ni Bohol ang tanan nga Pilipino, sa tibook bahin sa Pilipinas nga mupadayag sa managlahing peaceful rally sa katapusang adlaw sa Nobyembre.
