Naglaom ang grupong August Twenty One Movement (ATOM) nga dili na unta maapektuhan sa mga technicalities ang pagdungog sa impeachment proceedings batok kang Vice President Sara Duterte karong tuiga.
Matod ni Volt Bohol, grupong ATOM, importante nga mapadayon ang proseso aron matuki og tarong ang mga isyu ug mahatagan og kahayag ang mga alegasyon nga giatubang sa bise presidente.
Dugang pa niya, gilauman nila nga ang Senado magpadayon sa pagproseso sa articles of impeachment aron malikayan ang dugang nga paglangan sa kaso.
Segun pa niya, daghan sa katawhan, ilabina ang mga wala pa nakadesisyon, ang nagkakusog na og pagkaamgo sa mga panghitabo nga naglibot sa maong isyu.
Busa, alang sa ATOM, ang hustong pagdungog ug pag-usisa sa kaso kinahanglan ipatuman alang sa interes sa katawhan ug sa pag-ila sa kamatuoran.
