Dili muhunong ang August Twenty-One Movement (ATOM) sa ilang pagsalmot sa protesta sa Nobyembre 30. Kini ang pagtinaw ni Volt Bohol, presidente sa grupo, atol sa interbyu sa BOMBO RADYO. Iyang giingon nga bisan pa giduso na sa Department of Public Works and Highways (DPWH) ug Independent Commission on Infrastructure (ICI) ang rekomendasyon nga mapasakaan og kaso sila former Speaker Martin Romualdez ug Zaldy Co, dili kini nagpasabot nga maghulat nalang ang ilang grupo sa adlaw nga adunay kombiksyon. Gikomparar pa ni Bohol ang sitwasyon sa panahon ni kanhi Presidente Ferdinand Marcos Sr, diin naglusad sa imbestigasyon sa kamatayon ni kanhi Senador Benigno Ninoy Aquino Jr ug napasakaan sa kaso ang iyang sood nga higala nga si kanhi AFP Chief of Staff General Fabian Ver.
