Napul-an na naghulat sa resulta sa imbestigasyon sa ICI ang grupong August Twenty-One Movement (ATOM). Namahayag si Volt Bohol, presidente sa August Twenty-One Movement (ATOM) nga tataw kaayo ang inhustisya sa nasud ilabe na nga daghang gagmay nga kriminal ang dali mapriso samtang ang mga dagkung kawatan sa gobyerno makagawas pa sa nasud. Hinoon, wala gisalikway sa grupo ang ilang pagsalig sa ICI ilabe na sa ilang imbestigasyon. Nanghinaut ang ATOM nga makapagawas na sa referral sa kaso ang ICI sa dili pa matapos ang Nobyembre ning tuiga.
