CAGAYAN DE ORO CITY-Idangop sa hugpong sa tourism officers ang hangyo sa Kongreso nga ipasar ang balaodnon nga obligahon ang matag-LGU nga motukod sa departamento nagtutok sa turismo.
Kini aron mapalig-on pa ang turismo sa matag-rehiyon gamit ang kaugalingong pondo ug dili na magsalig sa matag-gobernador ug mayor sa syudad o lalawigan.
Gihimo ni Misamis Oriental Pronvincial Tourism Dept head Atty Jeffrey Saclot ang pahayag dihang gihimo ang ika-19 ka tuig nga convention sa Association of Tourism Officers of the Philippines o ATOP sa syudad.
Ang pag-host ni Gov Bambi Emano sa ATOP convention sa syudad ang dako’g tabang dili lamang sa Misamis Oriental apan sa rehiyon diin dul-ag libo ka tourism delegates ang mitambong sa syudad sa miaging semana.
