CAGAYAN DE ORO CITY – Dili na intresado ang organizers nga ipadayon ang pinakaunang higayon sa Higalaay night market sa Rio de Oro Boulevard ning syudad sa Agosto 2024.
Kini ang gikompirmar ni committee on tourism chairman Kag. Jay Roa Pascual sa intebyu sa Bombo Radyo kabahin sa isyu.
Kini human misibog na ang organizer resulta sa dili tiaw’ng mga komento tungod sa dul-an 50-mil pesos nga renta sa tents ug ubang kagamitan alayon sa kapistahan sa syudad.
Miingon si Pascual nga nahukman sa maong pundok sa mga negosyante nga hayan sa Disyembre na nila ihinayon ang Higalaay market.
Una nang gi-desenyo unta ang kalihukan isip pang-dugang kasadya ug kadugukan sa mga bisita sa kapistahan apan tungod sa init nga pagtuki niini sa mainstream ug social media.
Samtang namugos ang city hall nga nagsubay sa taas nga standard rason nga medyo dunay pagkamahal ang pangayo nga renta sa napornada nga Higalaay night market sa Rio de Oro Boulevard ning syudad.
Kini ang pagpasabot sa tigmababa ni City Mayor Rolando ‘Klarex’ Uy nga si Janboy Actub kon nganong halos 50-mil pesos ang pangayo sa organizer sa maong night market nga sugdan unta sa Agosto ning tuiga.
Miingon si Actub nga kabahin sa gipangayo nga rekisitos sa city hall sa organizer nga dili madaot ang boulevard apan tungod sa pagsaway gikan sa publiko,gisibog kini ngadto sa katapusang bulan ning tuiga.
