Gisaway ni Atty Homobono Adaza si Presidente Ferdinand Marcos Jr nga walay utok ug walay bayag. Nunot kini sa iyang yaya nga pagresolbar sa mga problema sa Pilipinas nga nahimo nang seryoso ug naghatag sa dakung hulga sa ekonomiya ug kahimtang sa mga molopyo sa nasud. Miingon si Adaza, nga kanhi assemblyman, nga nakadumdum pa siya sa gipamulong kaniya ni kanhi House Speake Jose Laurel Jr nga maypa siya nalang ang nalang ang magsilbing lider sa Pilipinas kay aduna siyay utok ug bayag. Alang kang Adaza, bisan unsa pa ka seryoso ang suliran nga muabot sa nasud, ang lider kinahanglan gamiton ang iyang utok aron makakitang simple nga mga sulosyon nga ikatagbaw sa katawhan.
