Makalolooy ang katawhan nga Pilipino—mao kini ang gikasubo ni former Provincial Administrator Atty. Angel Lim may labot sa mga saad ni Presidente Ferdinand Marcos Jr.
sa katawhan.Sa usa ka interbyu sa Bombo Radyo, wala makapugong sa pagsaway sa administrasyon ang kanhing opisyal human niya naobserbahan nga gigamit lamang matud pa sa administrasyon ang mga programa—sama sa mga ayuda—sa pamulitika ug publicity.
Dugang pa niini, sa ikatulong tuig sa pagserbisyo sa administrasyon, wala gihapon niini masolusyonan ang tinuod nga kalisdanan nga giatubang sa katawhan.Kahinumduman nga sa State of the Nation Address (SONA) sa Pangulo niadtong Lunes, lakip sa gipanghambog niini ang 500,000 ka mga housing units nga napatukod—sukwahi sa iyang unang saad nga usa ka milyon ka housing units matag tuig—ug ang pagpalapad sa mga ayuda alang sa mga kapos-palad.
Apan butyag man ni Atty. Lim, kini nga mga lakang wala gayud nakasulbad sa batakang problema sa nasud.
