Gipamugos ni Atty Joel Butuyan nga daghan pang biktima sa war on drugs ang gusto unta mugawas ug mutug-an apan padayong nahadlok gumikan sa hulga sa mga “Duterte Fanatics” ug “Duterte Clones”.
Kini maoy sentro sa pahayag sa abogado sa mga biktima sa extra judicial killing (EJK) nga nagpasaka’g kaso kang kanhi Presidente Rodrigo Duterte sa International Criminal Court (ICC).
Lakip sa bitbit nga naratibo ug argumento ni Butuyan ang pagsilbing breadwinner sa mga tawong gipangpatay, ug ang walay katapusan nga kahadlok sa ilang pamilya sa mga namatyan batok sa mga otoridad sa Pilipinas.
Gipamugos sa abogado nga mayorya sa ilang mga biktima SOLO breadwinners gikan sa mga pit-os nga pamilya.
Dinhi, gipadayon si Butuyan sa pag-establishar sa report nga “anti-poor” ang kampanya ni Duterte, kay ang nabiyaan mga mga anak ug biyuda padayong naglisud tungod sa pagpatay sa ilang padre-de-pamilya.
Sa katapusan, gi-apelar ni Butuyan nga ang pagkompirmar sa kasong murder batok Duterte maoy sinugdanan sa hinay hinay nga hustisya nga dugay nang gilaum sa mga pamilyang biktim sa duguong kampanya sa naglabay nga administrasyon
