Gipadayag ni Human rights lawyer Atty. Dino De Leon nga lisud kaayo alang kaniya og unsaon ang paghatag og katin-awan ug pagsupak sa mga dokumento nga gipresenta sa kampo sa prosekusyon sa impeachment trial ni Vice President Sara Duterte.
Matud ni De Leon, maglisud sa pagtubag ang kampo sa depensa sa Bise Presidente tungod kay nagikan mismo sa ila ang mga dokumento nga gipresenta sa prosekusyon, sama sa SALN, audited financial statements sa Bise Presidente, ug nidugang pa ang pagkabutyag pinaagi sa forensic analysis nga adunay 817.87 milyon pesos nga initial undeclared wealth ang Bise Presidente.
Gipadayag usab ni De Leon nga gahinam-hinam siyang mahibal-an ang rason sa pagsalmot sa Bise Presidente sa negosyo, bisan pa nga gidili kini alang sa mga pampublikong opisyal.
Natingala usab si De Leon kung ngano gihadlok sa depensa ang mga tawo nga nisalmot sa maong pagdungog nga ang impeachment proceedings kay usa sa mga pormal nga exemption sa balaod aron mahimong ibutyag ang bank records ug AMLC reports bahin sa usa ka opisyal.
Dugtong niini, miingon usab si De Leon nga inay manghadlok ang depensa, mas maayong tubagon nila ang pagsalmot sa negosyo sa Bise Presidente, daghang salapi nga gasulod sa accounts niini, ug ang wala gideklarang mga kabtangan. (raniel mahunyag)
