CAGAYAN DE ORO CITY -Gikasuhan na sa kapolisan sa piskalya ang unom ka sakop United States Allied Freedom Fighters of the East o USAFFE nga gipanguluhan ni Atty Ely Pamatong.
Kini human nasikop sila sa Task Force Oro diin nagsul-ob sa military uniforms nga walay pagtugot sa gobierno diha sa Brgy Tablon ning syudad sa miaging adlaw.
Gibutyag ni Task Force Oro head army Col Roy Orquia nga maoy gikasuhan sa kasupakan sa article 170 sa revised penal code sila si Rey Butal, Felipe Manila,Erlidan Piedad,Edgar Gumahad,Mario Hingcayog ug Florencio Mier.
Si Orquia miingon nga dakong kasupakan sa balaod ang pagsul-ob sa military uniforms ug ingsinia nga wala’y pagtugot gikan sa gobierno.
Samtang mopasaka’g kasong illegal detention ug illegal arrest si Pamatong batok sa mga sakop sa Cagayan de Oro City Police Office o COCPO tungod sa pagsikop sa iyang pito ka sundalo sa Brgy Cugman ug Cogon Area ning syudad sa miaging adlaw’ng Domingo.
Si Pamatong mibutyag sa Bombo Radyo nga lehitimong mga sakop sa USAFFE ang mga dinakpan, gawas pa nga lehitimo usab ang uniporme nga ilang gisul-ob.
Nakadawat sa igong training ug mga diploma ang mga miembro niini.
Hinoon, dako ang pagtoo ni Pamatong nga nagsugod ang pagpangsikop sa iyang mga sakop human mismo si Presidente Rodrigo Duterte mitudlo kaniya nga muhulip sa pagka-presidente oras nga kini mamatay.
Gipamugos pa ni Pamatong nga gigamit silang force multipliers gobyerno ug gawas-sulod sila sa Kampo Aguinaldo, busa walay rason nga sila pangsikupon.
Hisayran nga si Pamatong, ang nagpailang lider sa USAFFE nga nakabase ning syudad.
