Nagtoo si University of the Philippines College of Law Assistant Professor Atty Michael Tiu Jr nga distraction lang ang dala ni kanhi Presidential Spokesman Atty Harry Roque sa kasong giatubang ni kanh Presidente Rodrigo Duterte sa International Criminal Court (ICC) sa the Hague, Netherlands.
Sa exclusive interview sa Bombo Radyo Philippines miingon si Atty Tui nga ang pagsawsaw ni Roque sa kaso ni Duterte nagdala lang sa kasamok sa legal team sa depensa nga gipanguluhan ni Atty Nicholas Kaufman.
Kini ang rason nga milutaw sa social media ang impormasyon nga aslom ang tinagdanay sa duruha.
Mahinumduman nga may kaso sa Pilipinas is Roque apan wala pa kini makahukom nga mupauli sa nasud aron limpyohan ang iyang kalambigitan sa operasyon sa POGO hubs sa Central Luzon.
Sa pikas bahin, nagtoo usab si Atty Tiu nga mas gusto sa depensa nga dili sila hilabtan ni Roque kay makadaut kini sa ilang legal nga stratehiya.
Wala pay komento si Vice President Sara Duterte bahin sa bangi sa duha ka abogado uga makita sa social media post ni Roque nga maayo ang tinagdanay nilang duruha sa bise presidente. (MAQ)
