Gibutyag ni kanhing Presidential Spokesperson Atty. Harry Roque nga daw “fake news” ang report sa pag-aresto kang kanhi Ako Bicol partylist Representative Elizaldy “Zaldy” Co sa Prague, Czech Republic. Ang pahayag ni Roque misupak sa gi-anunsyo ni Presidente Ferdinand Marcos Jr nga si Co nadakpan sa Europa tungod sa pag-tabok sa utlanan nga walay hustong dokumento. Matod ni Roque nga personal siyang nakig-koordinar sa immigration authorities sa Prague ug wala daw rekord nga nadakpan si Co. Gi-kuwestiyon usab niya ang basihanan ug oras sa gi-anunsyo sa Presidente nga miingon nga si Co nagpabilin sa kustodiya sa Czech authorities. (phillip ariata)
