Gidayeg sa geopolitical analyst nga si Anna Malindog-Uy ang depensa nga gibubo ni Atty. Nicholas Kaufman atol sa confirmation hearing ni kanhi presidennte Rodrigo Duterte, ilabi na sa pagbatok sa mga argumento sa prosecution.
Miingon si Uy nga nakahimo sa lig-on ug organisadong tubag si Kaufman sa mga ebidensiya ug pahayag nga gipresentar sa prosekusyon, ug klaro ang paglatid niini sa legal nga mga punto nga nagpakita sa kakulangan sa pipila ka argumento batok sa kanhing presidente.
Usa sa giila ni Uy nga pinaka-importante nga punto nga gipasiugda sa depensa mao ang isyu sa “neutralization” nga kanunay gigamit sa administrasyon ni Duterte kalabot sa mga suspetsado, drug lords ug high value targets.
Gipamugos ni Uy nga natin-awan ni Kaufman nga sa konteksto sa Pilipinas, ang pulong nga “neutralize” wala nagpasabot dayon og pagpatay kondili legal incapacitation o pagkuha sa kakayahan sa usa ka suspetsado nga makapadayon sa ilegal nga kalihokan.
Alang kang Uy, dako kini nga punto sa depensa aron mabungkag ang alegasyon nga adunay sistematikong krimen batok sa katawhan sa miaging administrasyon.
