Midangat pag-usab sa Korte Suprema ang election lawyer ug petitioner nga si Atty. Romulo Macalintal aron ipasaka ang ‘Motion for Partial Reconsideration’ bahin sa niaging desisyon niini sa pagka-oktaba sa Barangay ug Sangguniang Kabataaan Elections 2026.
Nagtinguha si Macalintal nga magpadayon gihapon ang maong eleksyon sa mga barangay taliwala sa gipagawas nga desisyon sa maong hukmanan.
Tungod niini, nisugyot ang petisyuner og ‘win-win solution’ nga siguradong pabor alang sa duha ka panig.
Gipadeklara ni Macalintal ngadto sa Korte Suprema nga ‘constitutional’ ang gahum sa Kongreso nga i-extend ang termino sa mga opisyal sa Barangay ug Sangguniang Kabataan, samtang gipamugos niya nga ang pagka-oktaba usab sa piniliay kay angay isipon nga ‘unconstitutional.’
Gikan sa gitakda untang eleksyon karong Nobyembre 2026, nabalhin kini ngadto sa tuig sa 2028 sukad nga gipalig-on sa korte ang Republic Act No. 12326.
Hugot usab kining gisupak sa abogado mao nga naghangyo siya nga manduan ang Commission on Elections (COMELEC) nga ipahigayon ang BSKE sa labing praktikal ug labing daling panahon. (raniel mahunyag)
