CAGAYAN DE ORO CITY – Dili madiktahan sa senator-judges ang mga kongresista sa angay buhaton kabahin sa kontrobersyal nga impeachment complaint nga giatubang ni Vice Pres Sara Duterte.
Kini human tawga ni Senate Pres Francis Escudero ang House Prosecutional Panel nga mga gahi’g ulo kay wala mosanong sa gipatrabaho kanila sa senado.
Namahayag si Xavier University Law Professor Atty. Oscar Moreno nga walay sa gahom sa senado nga diktahan sa ilang mga buhaton ang kamarabaha.
Wala makaagay si Moreno sa gisulti ni Escudero nga kung buot gustuhon sa senado nga ibasura ang impeachment case batok VP Sara,mahimo nila kini kung makuha ang mayoriyang pabor sa mga senador.
Hisayrang nalangan na pagsamot ang iskedyul sa pagdungog kay ang 20th Congress na ang hayan motuki niini.
