CAGAYAN DE ORO CITY-Gipanghimaraot ni Atty Oca Musni, higala sa namatay’ng si Dr Ricardo Rotoras ang mga suspek nga brutal nga mipatay niini.
Matud ni Musni nga iyang i-ampo nga mahitabo sa pamilya sa mga suspek ang gidangatan sa iyang su-od nga higala.
Siya nagtoo nga adunay gaba sa mga tawo nga gahimo’g krimen sa ilang isigkatawo.
Gipanganti ni Atty Musni nga maningkamot siya aron mahataga’g hustisya ang kamatayon sa iyang higala.
Una niini, si Musni ang ulahing nakauban ni Dr Rotoras sa wala pa kini gipatay sa mga kriminal.
