Segun sa giatubang nga isyu sa politika ug soberanya sa nasud, nanawagan ang kanhi Mayor sa Siyudad sa Cagayan de Oro nga si Atty. Constantino Tinnex Jaraula sa mga politiko nga makabaton og taas-taas nga panlantaw alang sa kaayohan sa nasod imbes nga partido lang ang unahon.
Gipasabot ni Jaraula nga gikinahanglan karon sa mga lider ang pagpangita og pamaagi aron makahiusa ug ma-united ang tanang Pilipino taliwala sa kasamtangang tensyon.
Dugang pa sa maong abogado, ang gikinahanglan sa katawhan mao ang usa ka nasudnong panlantaw nga molapas sa limitadong interes sa mga politikanhong pundok.
Busa, gihatagan og bug-at sa abogado nga angayan gayud nga magbarog ang matag usa isip usa ka nagkahiusang mga Pilipino.
