Walay nakitang direktang ebidensya ang prosekusyon nga naglambigit sa Bise Presidente sa anomalya sa confidential funds, sumala ni Prof. Christopher Maboloc.
Sa iyang interbyu sa Bombo Radyo, gipasabot sa propesor nga mismong ang testigo nga si Atty. Roderick Wamil ang miangkon nga wala kini pruyba nga nakapahimulos ug nakadawat sa kwarta ang Bise Presidente.
Dugang pa niya, natural ug dili supak sa balaod ang paggamit og mga alyas sama sa “Mary Grace Piattos” aron lang mapanalipdan ang seguridad sa mga tawong nagdawat sa pondo.
Gitin-aw usab sa akademiko nga ang Audit Observation Memorandum usa lang ka pagpaningil og dugang nga rekesitos, ug dili kini ebidensya nga adunay kawat nga nahitabo.
