Girekomendar sa Roads and Traffic Administration ang pag-augment sa 27 ka unit sa local public utility vehicle aron aksyonan ang reklamo sa mga komyuter sa Barangay Bayabas ug Kauswagan area nga wala na ginaagian sa mga jeep nga mubyahe og Carmen.
Gitin-aw ni LTFRB Region 10 Director Aljo Bendijo nga ang giplano nga augmentation naglakip sa napulo ka unit sa Bayabas RA, dose sa Bayabas RB, ug lima ka unit sa Bayabas RAC route.
Gidisenyo ang lakang aron matubag ang adlaw-adlaw nga panginahanglan sa transportasyon sa mga residente, estudyante, ug mga trabahante nga nag-antos sa kakuwang sa masakyan.
Aron mapatuman ang plano, pakig-istoryahan matod sa ahensya ang mga kooperatiba ug transport groups aron maseguro ang luwas ug kasaligan nga serbisyo sa pampublikong sakyanan sa mga dapit.
