Australian PM Albanese pledges to deepen Australia ASEAN relations in trade, investment, and AI. Discover new digital cooperation & investment plans.

Nisaad si Australian Prime Minister Anthony Albanese nga palalomon pa ang relasyon sa Australia ug ASEAN sa natad sa pamatigayon, pamuhunanm seguridad sa enerhiya, digital technology ug Artificial Intelligence (AI).

Sa iyang pahayag sa ASEAN-Australia meeting, gipasiugda ni Albanese ang kamahinungdanon sa pagtinabangay aron matubag ang epekto sa mga panagbangi sa tibuok kalibotan ug krisis sa enerhiya.

Gipahibalo usab niya ang bag-ong digital cooperation package nga nagtumong sa pagpalig-on sa digital economy, AI safety standards, ug kahanas sa mga mamumuo sa rehiyon.

Gawas niini, palapdan usab sa Australia ang pamuhunan sa Southeast Asia ug magtukod og bag-ong ministerial meeting aron matubag ang mga problema nga dunay kalabotan sa transnational crime.

Matud ni Albanese, magpabiling kasaligan nga kaabag sa ASEAN ang Australia sa pagmintinar sa kalinaw, kalig-on, ug kalamboan sa rehiyon. (raniel mahunyag)