Alayon sa nagkadool nga pagtamod sa adlaw sa mga Santos ug Kalag, mi-abiso ang Aviation Security Unit Region 10 nga sila mupatuman sa mas hugot nga seguridad sa mga tugpahanan sa Laguindingan, Misamis Oriental, probinsya sa Camiguin, ug Ozamiz City sa Misamis Occidental.
Sa exclusive interview sa BOMBO RADYO, miingon si Aviation Security Unit Region 10 Assistant Regional Chief PLTCOL Mardi Hortillosa nga gisaka nila ang alert status ug gi-organisar ang linya sa mga personnel nga ideploy alang sa pagmonitor sa pagdagsa sa mga pasahero.
Mi-apelar si Hortillosa sa mga biyahero nga musubay ug tahuron ang lagda sa mga airports, dili lang dinhi sa Northern Mindanao.
