Gipamugos sa Representative sa Unang Distrito sa Davao City – Congressman Paolo Duterte nga maayo ang kondisyon sa panglawas sa iyang amahan ug maayo usab ang kahimtang sa iyang pamilya.
Kini maoy lab-as nga pahayag sa kongresista batok sa nanggawas nga balita sa social media nga nagnipis na’g samot ang panglawas sa iyang amahan samtang naghulat nga dunggon sa korte ang ilang gipetisyon nga interim release.
Giwit-kan ni Polong ang gi-ingong trolls sa administrasyon, kay nagtoo kini nga tipik lang sila sa makinarya nga gipalihok sa ilang kontra sa politika aron mademoralize ang supporters sa iyang amahan.
Gipasabot sa anak sa kanhi Presidente Rodrigo Duterte nga dili na sila mutumpang sa mga ipangtu-is nga impormasyon gikan sa gobyerno kay sa katapusan, sila ra gihapon ang iduot nga dautan.
