CAGAYAN DE ORO CITY – Gibatikos sa grupong Bantay Bigas ug Amihan ang liderato ni Pres Bongbong Marcos.
Kini tungod kay nagsalig na lang sa paghatag sa mga ayuda sa matag-igo sa kalamidad sama sa bagyong Kristine nga grabeng midamyos sa katawhan sa kauluhan ug Bicol Region.
Miingon si Bantay Bigas spokesperson Cathy Estavillo nga dili angayang i-anad kini nga hinimuan sa kagamhanan kay mahimong alaot ang panudlanan sa buluhisan nga gikan ra usab sa katawhan sa nasud.
Siya miingon nga angayang dugay ra unta nga nagbaton ang gobierno sa mga programa nga maka-minus sa epekto sa mga moagi nga kalamidad.
Hisayrang sukad gihinambog ni Marcos ang binilyong nagasto kabahin sa flood control projects, tulo ka bagyo na usab ang nagpamatood nga wala mapugngi niini ang grabeng mga pagbaha sa ilabina sa kauluhan ug Luzon provinces.
