Gisaway sa Northern Mindanao Federation of Transport Service Cooperative (NOMFEDTRANSCO) ang saad nga walay katumanan sa Administrasyo ni Ferdinand Marcos Jr.
Gibutyag ni NOMFEDTRANSCO Chief Executive Officer (CEO) Luzminda Escobidal nga niadto pang tuig 2025 sila naghulat sa iyang saad nga fuel subsidy apan hangtud karon wala pa nila nadawatan.
Misamot ang kalbaryo sa ilang grupo dihang subli naigo sila sa grabeng pagsaka sa presyo sa lana tungod sa gubat sa Middle East.
Nabalaka ang transport group nga subli mapakilid ang laing hugna sa saad nga cash ayuda gikan sa Land Transportation Franchising and Regulatory Board (LTFRB)-10, human milabay na ang Marso 17 nga adlaw sa ilang pag-apud-apud sa relief assistance sa mga drivers ug operators.
