CAGAYAN DE ORO CITY – Gikompirmar sa kapolisan nga gipatay ug wala naghikog ang nakit-ang ginang sulod sa wing van nga unabng nakaparada diha sa Neri-Jasmin Streets,Brgy Carmen sa syudad.
Kini subay sa inisyal nga resulta sa pag-imbistigar sa kapolisan kabahin sa gidangatan sa biktima nga si Ritchelle Gonzales nga lumad taga-Valencia City,Bukidnon.
Miingon si Maj Ulyses Teves,commander sa Carmen Police Station nga subay sa testimonya,mismo ang kaipon nga si Danilo Torbilla ang mipatay ngadto sa biktima tungod sa pag-away sa duruha sa miaging adlaw.
Tungod niini,nakig-koordinar na ang tropa ni Teves sa ubang PNP units aron matultulan ang lokasyon na gitaguan sa suspetsado.
