CAGAYAN DE ORO CITY – Nakuha’g balik sa kapolisan ang dugay nang kinawat nga sakyanan nga gigamit sa pipila ka kriminal nga naglihok sa Lanao del Sur.
Kini human unang giharang sa mga armadong suspek ang kolor grey nga pribadong sakyanan sa usa ka babaye nga adunay destinasyon pasulod sa Mindanao State University sa Marawi City.
Apan pagsubay sa biktima sa Barangay Ilian,Marantao giharang kini sa mga suspek nga sakay sa kolor blue nga sakyanan,gibaharan ug gipanakanaug sa lugar.
Namahayag si Lanao del Sur Police Provincial Office Director Col. Caezar Cabuhat nga subay sa gitaho sa lower units nila nga gimaneho sa mga suspek ang sakyanan sa biktima ug gikuha usab ang cash balor sin-miel pesos,mahalong celphone ingon man ubang kabtangan ayha misibat.
Gilayong gitaho sa biktima ang nahitabo ug mikasa sa operasyon ang Marantao Police Station diin narekober ang gisakyan sa mga suspek nga gi-abandonar sa Brgy Palao,Ranao-ranao.
Nasuta nga rehistrado ang sakyanan sa usa ka Olga Arce gikan sa Kawit,Cavite ug nabalhin ngadto kang Fahad Mangadang Batuampar sa Iligan City.
Sa pagkutlo ning balita, gihimuan pa sa dugang imbestigasyon sa PNP sa probinsya.
