CAGAYAN DE ORO CITY-Namakak ang babaye nga nagpatoo nga gidagit ug gilugos sa grupo sa mga sindikato nga giingong una nga gidagit diha sa Brgy Agusan sa syudad sa miaging Marso 6 ning tuiga.
Kini maoy resulta sa padayong imbestigasyon sa kapolisan sa gibulgar sa maong babaye nga mag-lima ka tuig nang naglayas sa pamilya didto sa Gingoog City.
Gibutyag ni Cagayan de Oro City Police Office o COCPO spokesperson C/Insp Mardy Hortillosa II nga sukad tuig 2015,wala sukad naghupot sa bisan unsa nga record ang syudad sa kaso sa pagpangdagit nga hinimuan sa sindikato nga kuha’ag internal organs ang ilang mga ma-biktima.
Samtang giawhag ni PNP regional director C/Supt Atty Agripino Javier ang publiko nga dili mohatag kumpiyansa sa ilang seguridad.
Kini bisan nga negatibo sa grupo sa mga sindikato nga gasakay ug sakyanan ug magdagit sa mga bata aron kuhaa’g internal organs.
Gihimo ni Javier ang pag-aghat human usab naukay ang katawhan sa gisulti usa babaye nga taga-Gingoog City nga nadagit ug gilugos siya sa grupo sa kalalakihan diha sa Brgy Agusan sa dakbayan sa miaging petsa 6 sa Marso ning tuiga.
