CAGAYAN DE ORO CITY – Patay ang usa ka inmate human maghikog sulod sa prisohan sa Maharlika Detention Cell ning syudad ning adlawa.
Giila ni Police Major Jelesis Teves ang namatay nga si Rhey Ann Antig Talo, 27 anyos, dalaga ug residente sa USLAI, Zone 12, Zayas, Brgy Carmen ning syudad.
Namahayag si Teves nga napaslak sa prisohan ang biktima tungod kay kini nasapon nga nangawat ug napriso niadtong Pebrero 24.
Una niini, nagpabiling tanghaga alang sa uyuan sa biktima kung nganong naka hukom nga maghikog ang iyang pag-umangkon.
Gihulagway sa uyuan ang biktima isip hilomon ug buotan nga anak.
