CAGAYAN DE ORO CITY – Gikasuhan sa reckless imprudence resulting in homicide ang motorela driver nga nakabangga-patay sa wala mailang babaye nga nagbaklay diha sa Zone 2,Brgy Igpit, Opol,Misamis Oriental.
Giila ni Police Master Sgt Raul Ruaya,traffic investigator sa Opol Police Station ang suspek nga si Jimmy Rara,28 anyos nga nagpuyo sa Brgy Consolacion ning syudad.
Gibutyag ni Ruaya nga wala makit-i ni Rara ang biktima sa iyang kalsada nga giagian hinungdan nga nabangaan kini nga nagresulta sa hinanali nga kamatayon.
Gilayon usab nga mitahan sa kapolisan ang suspek pagkahuman sa maong aksidente.
