CAGAYAN DE ORO CITY-Patay ang usa ka babaye nga nagsilbing backride sa motorsiklo dihang gikabangga ang Talakag Liner sa Brgy Lumbia sa syudad.
Giila ni PO1 Bernie Golde sa Lumbia Police Station ang biktima nga si Aygil Miyer,hingkod ang panuigon ug nagpuyo sa Brgy Bugo sa syudad.Saysay ni Golde nga natigayon ang bangga sa jeep nga gimaneho ni Rodel Roblita ug motorsiklo sa disgrasyada nga bahin sa maong lugar.
Dugtong niini,gibutyag sa igsoon sa biktima nga si Cloyd Miyer nga dili pa sila makahuna-huna’g sakto sa angay nila buhaton tungod sa pagka-disgrasya ni Charito Saraos kuyog ang igsoon niini.
Gihaya na sa punerarya ang biktima samtang detinado na usab si Roblita sa mini-cell sa Lumbia Police Station.
