CAGAYAN DE ORO CITY-Dead on arrival ang 19 anyos nga babaye human madisgrasya sa iyang gisakyan nga single motor sa Cugman highway ning sydudad kagahapon sa hapon.
Giila ni Cugma Police Station commander C/Insp Evan Vinas ang biktima nga si Brezelle Mae Dignos ug molopyo sa Muntibugao,Manolo Fortich,Bukidnon.
Samtang ang driver sa truck van nga nakaligis sa biktima mao si Reyland Labial, hingkod ang panuigon ug nagpuyo sa Mabahaw,Dipolog City.
Gibutyag ni Viñas nga pakigkitaan pa unta sa biktima anh iyang facebook chatmate apan disgrasya kining nalagpot human nabanggaan sa iyang driver ang likod nga bahin sa usa ka taxi.
Nalagpot ang babaye sa pikas nga lane ug gilayong naligsan sa trak-van nga gimaneho ni Dignos.
Nangayo na’g pasaylo ang driver sa van tungod kay nakurat usab siya ug wala makita ang paglagpot sa lawas sa babaye.Gikostudiya una sa kapolisan si Labial tungod sa hitabo.
