CAGAYAN DE ORO CITY – May person of interest o POI na ang kapolisan sa mitusak-tusak sa makadaghang higayon sa lawas usa ka babaye sa Zone 1 Brgy Dicklum, Manolo Fortich,Bukidnon.
Giila ang biktima nga si Gondit Cabanday, 33-anyos, minyo ug molopyo sa maong dapit.
Gibutyag ni Manolo Police Station Commander Major Noel Cano nga nakaangkon ang biktima sa 15 ka igo-dinunggan gamit ang mahait nga hinagiban.
Daling gidala sa ospital ang biktima apan nakabsan na kini sa hinulamang kinabuhi.
Nagdumili una si Cano nga panganlan ang POI gumikan kay ila pang gipalawman ang gihimong imbestigasyon sa maong hitabo.
