CAGAYAN DE ORO CITY-Ipaubos sa otopsiya ang patay’ng lawas nga nakit-ang nagbuy-od sa daplin sa suba sa Brgy Sihayon,Tagoloan,Misamis Oriental.
Kini human naila na ang biktima nga si Riza Mae Duero,29 anyos,dalaga nga taga-Brgy Katipunan,Villanueva ning lalawigan.
Namahayag si SPO4 Tawide Galleon,imbestigador sa Tagoloan Police Station nga angay mapasusi sa SOCO ang patay’ng lawas sa biktima ilabina nga wala sila’y nakit-ang mga samad niini.
Gihulat sa kapolisan ang resulta sa otopsiya aron magamit usab nila sa dugang pag-imbestigar sa maong kremin.
