CAGAYAN DE ORO CITY – Mag-atubang sa kasong kriminal ang trak drayber kon walay makab-ot nga kasabutan tali sa mga pamilya sa ka-disgrasyang motorsiklo diin dunay namatay ug samaron sa Brgy Sta Cruz,Tagoloan,Misamis Oriental.
Kini human temporaryong naka-hold sa Tagoloan Police Station ang drayber sa trak nga si Jose Aquino nga nagpuyo sa Lugait ning lalawigan epekto sa duguong hitabo kagabii.
Sugilon sa imbestigasyon, kalit natumba ang motorsiklo nga gimaneho ni Lee Vincent Pacquiao nga residente dinhi sa syudad diin nakaangkas si Jecelle Cosmiano nga molopyo sa lungsod sa Villanueva diin nalantayan sa trak.
Nalagpot si Cosmiano sa pagka-disgrasya sa motorisklo epekto sa misanap nga tubig sa kalsada hinungdang nalatayan kini sa nagsingabot nga trak.
Samaron usab si Pacquiao ug kamulo pa ang imbestigasyon sa kapolisan sa maong hitabo kagabii.
