CAGAYAN DE ORO CITY – Hangtud karon wala pa naila ang usa ka patay’ng lawas sa babaye nga napalgan sa kalasangan nga bahin sa Brgy Waterfall Balingasag Misamis Oriental kagahapon sa hapon.
Sa pakighinabi sa Bombo Radyo kang P01 Iradelle Cajilang sa Balingasag municipal police station, iyang gibutyag, subay sa ilang inisyal nga imbestigasyon nga dunay apan sa pangisip ang biktima. Gidudahan sab nga taga Lanao del Norte ang biktima.
Hinoon, walay iligal nga druga ang nakuha sa posisyon sa biktima apan ang dakung samad sa iyang ulo ang gitoohang hinungdan sa iyang hinanaling kamatayon.
Kasamtangang gihaya ang biktima sa usa ka punerarya sa maong lugar.
