CAGAYAN DE ORO CITY-Kasuhan sa kapolisan sa pagbaligya’g gidiling droga ang babayeng drug pusher nga nasikop sa Zone 5, Upper Bulua ning syudad kagahapong adlawa.
Naila ang suspek nga si Mary Claire Epanes Mimpranum, 19 anyos, minyo nga taga Barra, Opol, Misamis Oriental.
Nakuha gikan sa iyang posisyon ang 22 ka pakete sa gitoohang shabu nga nagbalor ug 16-mil ka pesos.Na-recover usab sa kapolisan ang 500 pesos nga buy bust money.
Gibutyag ni C/Insp Eriksson Sabanal,hepe sa Bulua Police Station nga wala sa ilang ‘drug warchlist’ ang dinakpan apan ilang suta-on kon kabahin ba kini sa tonghang surenderees sa Brgy. Bulua.
Samtang giangkon ni Mimpranum nga gapamaligya siya’g ginadiling druga.
Asoy ni Mimpranum nga upat ka bulan na siyang namaligya’g drugang shabu tungod sa kawad-on.
Dugang pa niini nga tungod sa panagbulag sa iyang ginikanan, napugos siya sa pagsulod sa ilegal nga kalihukan.
