Gimanduan ni Presidente Ferdinand Marcos Jr. ang tanang buhatan sa Land Transportation Office (LTO) nga ipagawas na ang mga plaka sa mga motorsiklo nga backlog sukad pa sa tuig 2017 paubos.
Dugay na kini nga nabayran sa mga motorista, apan wala dayon mahatag tungod sa kakulang sa plaka.
Sa milabay nga bulan, nagsugod na ang LTO sa pag-release sa mga plaka.
Gibutyag ni Frandie Tutor sa New Registration Unit sa LTO Region 10, nga dili lang kini alang mga motor nga wala pa’y plaka, apan, lakip niini ang pag-ilis sa mga ‘obsolete’ nga plaka nga wala na makasubay sa kasamtangang balaod.
Subay sa Republic Act 11235, nga gi-amendar sa RA 1229 (Motorcycle Crime Prevention Act), ang mga pito (7) ka-character plates nga gi-isyu gikan 2014 hangtod 2017 pulihan na ug bag-ong mga plaka nga uyon sa mandato sa balaod.
Gi-awhag sa LTO ang mga motorista nga walay plaka o naggamit pa sa karaang desinyo nga mubisita sa labing duol nga buhatan sa LTO aron makakuha sa bag-o ug legal nga plaka alang sa gipanag-iya nga motor.
