CAGAYAN DE ORO CITY – Gawasnon na ang driver sa Honda Civic car ingon man ang nag-maneho sa multicab nga resonsable pagbangga ug pagkaligis sa duha ka motorista nga sakay sa motorsiklo sa nat’l highway sa Purok 2,Sitio Patag,Brgy Bagongtaas,Valencia City,Bukidnon.
Kini bisan kon nag-resulta sa kamatayon sa back rider nga si Reymark Pramo,25 anyos ug pagka-angol sa motorcycle driver nga si Lucresio Viodor nga pulos taga-Valencia City nunot sa dugo-ong aksidente.
Gibutyag ni Police Senior Master Sgt Sanrio Dy, traffic investigator sa Valencia City Police Station nga nagkasinabot ra ang panig sa mga pamilya sa mga biktima ug ang driver-suspects nga sila si Mark Cristian Alcazaren ug Dale Gonzales nga tubagon ang tanang obligasyon sa hitabo.
Nasuta sa imbestigasyon nga managkaila ug mga empleyado ra ni Alcazaren ang mga biktima nga wala niini mabantayi sa ilang pagpanguli samtang nagbiyahe rason nga mi-resulta sa aksidente.
Tungod sa kakusog sa impact,milupad si Pramo ug naligsan ni Gonzales hinungdan nga dungan sila ni Viodor gidala sa Laviña Hospital aron mahatagan sa medikasyon.
Apan tungod sa mga samad ug bun-og ni Pramo,wala na kini masalbar sa mga doktor pipila ka oras gikan sa maong aksidente.
