CAGAYAN DE ORO CITY-Nagtoo ang 4th ID,Philippine Army nga ipadayon ug ipakusog pa ni incoming commander Maj Gen Ronald Villanueva ang mga programa nga napatuman ni kanhi Maj Gen Benjamin Madrigal Jr batok insurhensiya sa Northern Mindanao ug Caraga Region.
Kini alayon sa pagsugod na’g trabaho ni Villanueva isip ika-41 nga commanding general sa 4th ID,Philippine Army epekto sa adlaw’ng Miyerkules.
Namahayag si 4th ID spokesperson Capt Joe Patrick Martinez nga managsama ang kalibre ug abilidad sa duha ka heneran diin sila PMA Class 1985 classmates.
Miani’g pasidungog gikan sa Camp Aguinaldo ang liderato ni Madrigal samtang 17 ka bulan niini gipanguluhan ang 4th ID,Philippine Army.
Si Villanueva kinsa kasamtangang hepe sa Intelligence Service of the Armed Forces of the Philippines o ISAFP ang lumad taga- Cagayan de Oro City.
Gani,nagsilbi usab nga commanding general sa 4th ID,Philippine Army ang iyang amahan atol mismo sa unang pagpatuman sa martial law sa Pilipinas.
