Gitin-aw ni PRO-10 Regional Director PBGEN Christopher N. Abrahano nga ang gipatuman nga walo ka oras nga turno sa mga kapulisan sa rehiyon kay giaprubahan sa nasyonal nga pamunuan aron maseguro nga kanunay alerto ang mga personahe itandi sa karaan nga sistema.
Gipasabot niya nga bisan pa og adunay mga reklamo bahin sa limitado nga oras sa pagpahuway sa mga pulis nga nadistino sa layong dapit, kinahanglan gihapon kining ipatuman aron dili mapasagdan ang seguridad ug ang serbisyo sa publiko.
Dugang pa sa opisyal, mas gipili nila kini nga pamaagi tungod kay ang karaan nga pamaagi nga nagkinahanglan og taas kaayo nga oras sa duty mahimong makapaluya ug makapamenos sa katakus sa mga nagbantay sa kadalanan.
Mao kini ang gihatag nga katin-awan ni PBGEN Christopher N. Abrahano aron masabtan sa tanan ang tinuod nga rasyonal sa maong direktiba.
