Gipangalanan na sa International Criminal Court ang bag-ong legal counsel ni kanhi Rodrigo Duterte may kalabotan sa kaso nga giatubang niini sa ICC.
Ang maong abogado mao si Peter Haynes, usa ka British barrister ug eksperto sa international criminal defense.
Si Haynes kaniadto nagsilbing presidente sa ICC Bar Association ug adunay kapin 30 ka tuig nga kasinatian sa pagdepensa sa mga international criminal cases.
Nahinumduman usab nga mitindog siya isip abogado ni Joseph Kony, ang militanteng lider sa Lord’s Resistance Army sa Uganda.
Samtang, nahitabo ang pagngalan kang Haynes isip bag-ong counsel human mibitiw sa puwesto isip lead counsel ni Duterte si Nicholas Kaufman.
