CAGAYAN DE ORO CITY-Gihupay sa City Solid Waste Management Task Force ang kabalaka sa mga residente kalabot na sa report nga mikontaminar ang ‘duga’ sa basura ug nagresulta sa fishkill ug sakit sa panit sa Brgy San Simon ning syudad.
Matud ni Oliver Ehipto, chairman sa City Solid Waste Management Task Force nga walay kamatooran ang maong report tungod kay nakaseguro sila nga wala makasupak sa balaod ang ilang katukuran sa sanitary landfill diha sa Brgy Pagalungan ning syudad.
Gani, may gihuptan silang dokumento nga nagpamatood nga nagpabiling limpyo ang tubig nga mainom sa maong lugar ug wala makontaminar sa sanitary landfill.
