CAGAYAN DE ORO CITY – Ipadayon ni Cagayan de Oro City Police director Police Col Henry Dampal ang mga nasugdan nga programa ni late Police Colonel Nelson Aganon ilabina sa peace and security sa syudad.
Siya miingon nga kabahin sa iyang ipadayon ang Oplan Galugad tungod sa positibo nga resulta nga nahatag niini.
Palig-unon usab ni Dampal ang maayo nga relasyon sa mga pulis ngadto na sa komunidad ilabina sa mga barangay tungod kay dako kini’g ikatabang sa ilang pakigbatok sa kriminalidad.
Gihimo ni Dampal ang komento dungan sa pakig-atubang sa local media alayon sa iyang pagsugod sa trabaho isip bag-ong police director sa syudad kagahapong adlawa.
Samtang gitin-aw ni Dampal nga wala siya’y himoon nga paglahugay sa mga station commander sa olice stations sa dakbayan.
Apan maoy gimando ni Dampal sa matag istasyonan sa pulis nga mahimong ‘friendly’ sa katawhan, presentable ang ilang opisina ug kinahanglan abli kini alang sa mga nagkinahanglan sa ilang serbisyo.
Hisayran nga nagbahad si Dampal nga may himoon siyang kabag-uhan sa mga assigned personnel kung dili mosunod sa iyang mando.
