CAGAYAN DE ORO CITY- Nakapili na sa bag-ong police director si City Mayor Oscar Moreno nga anaa na sa mga kamot ni Police Regional Director Brig Gen Rafael Santiago Jr.
Kini aron ihulip sa nabakante nga puwesto ni late City Police Director Col Nelson Aganon nga unang naaksidente sa syudad sa miaging mga bulan.
Miingon si Moreno nga hulaton na lamang niin ang operational order gikan kang Santiago aron makasugod na ang bag-ong police director sa iyang trabaho.
Apan nagdumili una si Moreno pagbutyag sa pangalan kon kinsa ang maong gipili niya nga sunod nga mahimong mangulo sa kapolisan sa syudad.
Una niini,mas gusto ni Moreno nga su-od ang bag-ong police director ug Camp Alagar aron masiguro ang hugot nga siguridad alang sa syudad nga kanunay gihadla sa terorismo.
