CAGAYAN DE ORO CITY – Gi-hunting sa kapolisan ang irisponsabli nga inahan nga mitugot nga ibilin ug gibiyaan ang bag-ong himugso nga batang lalaki sulod sa San Agustin Cathedral ning syudad.
Kini human gipaubos sa rebyo ang mga kuha nga CCTV footages kabahin sa 15 anyos nga inahan nga walay kukalooy nga mibiya sa kaugalingong anak nga gisulod pa sa ecobag sulod sa simbahan kagahapong adlawa.
Hinoon,anaa na sa paggalam sa mga personahe sa City Social Welfare and Development Office ang maong bata nga gitoohang anaa sa tulo ka semana sukad nahimugso.
Una na niini,nalabyan sa usa ka manimbahay ang bata ug gipasuso kini sanglit iyang gitoohan nga mibati na’g kagutom kay taud-taod nang gibilin sulod sa simbahan.(Photo: ZSP)
