Pormal na nga gibuksan sa publiko ang Hospital Pharmacy sa Cagayan de Oro City Hospital-Lumbia niadtong adlaw’ng Miyerkules, Hunyo 17, aron mas mapalambo pa ang paghatag sa mga batakang medisina ngadto sa mga pasyente ilabina niadtong anaa sa kabukiran.
Gipangunahan kini mismo ni Mayor Rolando Klarex Uy kauban si City Hospital-Lumbia Chief of Hospital Ferdinand Miranda, kauban ang uban pang mga opisyal sa ospital ug mga residente sa maong dapit.
Giingon nga libre ang mga tambal sa maong pasilidad basta adunay available nga stocks ug makapakita ang mga pasyente og reseta subay sa gikinahanglang proseso.
Gipasabot usab ni Dr. Miranda nga ang pag-abri sa pharmacy kabahin sa mga lakang sa pag-andam sa ospital aron maka-level up gikan sa infirmary ngadto sa Level 1 status.
Alang sa mga buot mopa-serbisyo, abli kini matag Lunes hangtod Biyernes gikan alas 8:00 sa buntag hangtod alas 6:00 sa gabii, ug sa mga holiday sugod alas 8:00 sa buntag hangtod alas 4:00 sa hapon.
