CAGAYAN DE ORO CITY, Philippines – Namumpa na ang bag-ong kalihim sa Presidential Communications Office, apan daghang kontrobersyal nga isyu ang dala ni PCO Sec. Jay Ruiz sa pagsulod sa Malakanyang.
Kagahapon, todo depensa si PCO Usec Atty Claire Castro sa ilang bag-ong hepe nga ilado isip director ug incorporator sa kompanyang Digital8, Inc.
Namugos si Castro nga gikinahanglan ni Ruiz magdivest sa iyang shares sa maong kompanya aron dili maigo sa balaod sa Republic Act 6713 o conflict of interest.
Wala matubag ni Castro kung nadivest naba ni Ruiz ang 206 milyon pesos nga kontrata gikan sa Philippine Charity Sweepstakes Office (PCSO) sa ulahing bahin sa 2024.
Mao kini ang nahimong sumbanan sa dakung pagduda sa iyang gidala nga integridad isip usa ka opisyal sa gobyerno.
Sa pikas bahin, gidepensa usab ni PCO Sec. Jay Ruiz ang gipasumiter nga courtesy resignation sa tanan nanarbaho sa PCO.
Miingon si Ruiz nga normal kini nga panawagan sa Malakanyang ilabe nga mabutang na sa risgo ang pagsalig ug integridad sa administrasyon ni Presidente Ferdinand Bongbong Marcos Jr.
